மின்னஞ்சல் செல்லும் வழி

மின்னஞ்சல் செல்லும் வழி

எடுத்துக்காட்டாக அது name@domain.com என இருக்கட்டும். நீங்கள் இமெயில் கிளையண்ட் ஒன்றை இந்த முகவரிக்கு மெயில் அனுப்பப் பயன்படுத்துகிறீர்கள். அது அவுட்லுக் அல்லது தண்டர்பேர்ட் ஆக இருக்கலாம். இதனை மெயில்களை அனுப்பவும் பெறவும் பயன்படுத்தலாம். இதனை மெயில் யூசர் ஏஜென்ட் (Mail User Agent MUA) என அழைக்கின்றனர். மெயில்களை அனுப்ப இந்த மெயில் ஏஜென்ட்கள் சிம்பிள் மெயில் ட்ரான்ஸ்பர் புரோட்டோகால் (Simple Mail Transfer Protocol SMTP) என்னும் வழிமுறையைப் பின்பற்றுகின்றன. இந்த வழி முறையைப் பின்பற்றி இன்டர்நெட் வெப் மெயில் சர்வருக்கு அனுப்புகின்றன. இமெயில் அனுப்புபவர் நேரடியாக இணையத்தில் இயங்குகிற வெப் மெயில் வசதியை, யாஹூ, ஜிமெயில், விண்டோஸ் லைவ் போன்ற, பயன்படுத்தினால் இந்த MUA இடையில் வருவதில்லை. இன்டர் நெட்டில் இயங்கும் ஜிமெயில் போன்ற மெயில் சர்வர்கள் மெயில் ட்ரான்ஸ்பர் ஏஜென்ட் (MTA Mail Transfer Agent) என அழைக்கப்படுகின்றன.

ஒரு இமெயில் செய்தியின் To: பீல்டில் அனுப்பும் டொமைன் பெயரே இருந்தால் ஒரு எம்.டி.ஏ. லோக்கல் மெயில் பாக்ஸ்களில் (இமெயில் முகவரி உள்ள ஒவ்வொரு வருக்கும் அந்த முகவரியைத் தந்துள்ள இணைய சர்வரில் ஒரு மெயில் பாக்ஸ் ஒதுக்கப்பட்டிருக்கும்)முகவரிக்கான மெயில் பாக்ஸைத் தேடி அங்கே அந்த மெயில் சேர்க்கப்படுகிறது. ஒரு வி.எஸ்.என்.எல். பயனாளர் இன்னொரு வி.எஸ்.என்.எல். பயனாளருக்கு அனுப்பும் வேளையில் இதுவே நடைபெறுகிறது. இந்த மெயிலைப் பெறுபவரின் மெயில் டெலிவரி ஏஜென்ட் (Mail Delivery Agent MDA), (அது அவுட்லுக் அல்லது ஒரு சர்வராக இருக்கலாம்) இந்த மெயிலை போஸ்ட் ஆபீஸ் புரோட்டோகால் (Post Office Protocol POP3) அல்லது இன்டர்நெட் மெசேஜ் அக்செஸ் புரோட்டோகால் (Internet Message Access Protocol IMAP 4) என்னும் வழிமுறையின் மூலம் பெற்றுக் கொள்கிறது. பயன்படுத்தப்படும் வேளையில் இமெயில் செய்தியானது இமெயில் கிளையண்ட்டுக்கு அனுப்பப்படுகிறது. அதே நேரத்தில் அந்த சர்வரில் ஒரு காப்பி தக்கவைக்கப்படுகிறது. இது அந்த இமெயில் கிளையண்ட் செட்டிங்ஸ் பொறுத்தது. எடுத்துக்காட்டாக எனக்கு இமெயில் வசதி தருவது டாட்டாவின் டாட்டா கம்யூனிகேஷன்ஸ் நிறுவனமாக இருக்கலாம். எனக்கென ஒரு இமெயில் பெட்டி அதன் சர்வர் ஒன்றில் இருக்கும். என்னுடைய மெயில் பாக்ஸை நான் அந்த சர்வர் சென்று என் பெட்டியைத் திறந்து படித்துப் பார்த்து அங்கேயே பதிலும் அனுப்பி வைக்கலாம். அல்லது ஒரு இமெயில் கிளையண்ட் புரோகிராம், தண்டர்பேர்ட், இடோரா அல்லது அவுட்லுக் எக்ஸ்பிரஸ், மூலம் அந்த மெயிலை என் கம்ப்யூட்டருக்கு இறக்கிக் கொள்ளலாம். அப்படி இறக்கிக் கொள்கையில் ஏற்கனவே நான் என் இமெயில் கிளையண்ட்டை செட் செய்தபடி அந்த மெசேஜ் சர்வரில் தக்க வைக்கலாம். அல்லது இவ்வாறு இறக்கிய பின்னர் அதனை நிரந்தரமாக அழித்து விடவும் செய்திடலாம்.
ஆனால் ஐமேப் 4 பயன்படுத்துகையில் மெயில் சர்வரில் எப்போதும் என் மெயிலின் காப்பி தக்கவைக்கப்படும். இது சிறிய நெட்வொர்க்கில் மட்டுமே செயல்படும். இதற்குப் பதிலாக டொமைன்கள் வெவ்வேறாக இருந்து, மெயில் அனுப்புப வரும் பெறுபவரும் ஜிமெயில் அல்லது ஹாட் மெயில் போன்ற சர்வீஸ்களைப் பயன்படுத்துபவராக இருந்தால் சற்று வேறுபாடான வழிமுறை பயன்படுகிறது. இந்த வகையில் ஒரு MUA அல்லது வெப் மெயில் லோக்கல் MTA ஐ தொடர்பு கொள்கிறது. இவை இன்டர்நெட் சர்வீஸ் வழங்குபவரால் அமைக்கப்பட்டு இயக்கப்படுகிறது. இங்கே எஸ்.எம்.டி.பி. பயன் படுத்தப்படுகிறது. அதிகமான எண்ணிக்கையில் இமெயில்கள் கிடைக்கப்பெறுகையில் அங்கே ஒரு இமெயில் வரிசை அமைக்கப்படுகிறது. இன்டர்நெட்டில் ஒரு இமெயில் பயணிக்கையில் அது யாருக்காக எழுதப்பட்டதோ அவருடைய இமெயில் பெட்டிக்கு நேரடியாகச் செல்வது என்பது எப்போதாவது ஒரு முறை அதிசயமாகத்தான் நடைபெறும். அந்த மெயிலுக்கு மெயில் ட்ரான்ஸ்பர் ஏஜெண்ட் (MTA) கிடைப்பதைப் பொறுத்து பல வழிகளில் இது அனுப்பப்படுகிறது. மெயிலை ட்ரான்ஸ்பர் செய்திடும் இந்த MTA, இமெயில் மெசேஜின் தலைப்பில் உள்ள ஹெடர்களில் தரப்படும் தகவல்களைப் படித்து அருகில் இணைக்கப்படும் டொமைன் நேம் சர்வரிடம் இந்த மெயில் செல்வதற்கான வழியைக் கேட்கிறது. அப்படியே அடுத்தடுத்து பல MTA மூலம் ஒரு இமெயில் தன் பயணத்தை மேற்கொள்கிறது. கம்ப்யூட்டர் இங்கே ஐ.பி. முகவரியை மட்டுமே படித்து அறிந்து கொள்வதால் ஒரு இமெயில் முகவரியின் டொமைன் நேமை முதலில் படிக்கிறது. (இது முகவரியில் @ என்ற அடையாளத்தினை அடுத்து இடம் பெறுவது) அதன் டொமைன் நேம் சர்வரில் இதனைத் தேடுகிறது. அந்த குறிப்பிட்ட டொமைன் நேமிற்கான மெயில் எக்சேஞ்ச் ரெகார்டிற்கான (Mail Exchange MX) தேடலாக இது இருக்கும். இதற்கு முன்பாக டொமைன் நேம் அறிதல் முடிவு பெற்றிருக்க வேண்டும். பல டொமைன் நேம்களில் சில (com, net, org, edu, gov) மட்டுமே பெரிய அளவில் உள்ளவை. இந்த பட்டியலில் குறைந்தது 13 பெயர்கள் உள்ளன. 

எடுத்துக்காட்டாக இமெயிலைப் பெறுபவரின் முகவரி x@otherdomain.com என இருப்பதாக வைத்துக் கொள்வோம். டொமைன் நேம் சர்வரிடமிருந்து பெறப்படும் எம்.எக்ஸ் ரெகார்ட் பெரிய அளவில் இயங்கும் இத்தகைய சர்வர்களின் பட்டியலாகவே இருக்கும். இந்த மெயில் பலவகை எம்.எக்ஸ் சர்வர்களின் வழியாக அதற்கென உள்ள டொமைன் கிடைக்கும் வரை செயல்படுத்தப்படும். எம்.எக்ஸ் என்பவை மெயில்களைப் பெறும் MTAக்கு இன்னொரு பெயர். இந்த மெயில் இவ்வாறான செயல்பாட்டில் செல்லும்போது இறுதியில் அதற்கான சர்வரை அடைகிறது. பின் மெயிலுக்கு உரியவர் பயன்படுத்தும் MDA மூலம் அது அவரை அடைகிறது. அல்லது வெப் மெயில் மூலம் POP3 அல்லது IMAP4 வழிமுறை பயன்படுத்தப்பட்டு மெயில் படிக்கப்படுகிறது. 


ஸ்பேம் மற்றும் பயர்வால்
ஸ்பேம் (SPAM) என்பது தேவையற்ற நமக்கென எழுதப்படாத ஆனால் நம் முகவரிக்கு அனுப்பப்படும் ஒரு தீங்கு விளைவிக்கும் மெயில் கடிதமாகும். இமெயில் வசதியில் ஒட்டிக் கொண்டுள்ள மிகப் பெரிய தீங்கு இதுதான். ஒருவரின் இமெயில் இன்பாக்ஸில் இவை சென்று அதன் இடத்தைப் பிடித்துக் கொள்வதுடன் கம்ப்யூட்டருக்கும் தீங்கு விளைவிக்காமல் இருக்க நாம் பயர்வால் (Firewall) பயன்படுத்துகிறோம். அல்லது ஆன்ட்டி வைரஸ் புரொகிராம் பயன்படுத்து கிறோம். இவற்றின் வழியாகத்தான் அனைத்து இமெயில்களும் கடந்து செல்ல வேண்டும். இவை இரண்டும் அனைத்து இமெயில்களையும் சோதனை செய்கின்றன. இமெயிலுடன் இணைக்கப்பட்டு வரும் அட்டாச்மென்ட் என்னும் பைல்களையும் சோதனை செய்கின்றன. சந்தேகப்படும் வகையில் ஏதேனும் மெயில் அல்லது அட்டாச்மெண்ட் இருந்தால் உடனே அதனை குவாரண்டைன் என்னும் பாதுகாப்பான இடத்தில் வைத்து அது யாருக்காக அனுப்பப்பட்டுள்ளதோ அவருக்கு தகவல் தெரிவிக்கின்றன. 


இமெயிலின் வடிவமைப்பும் பாதுகாப்பும்
இமெயில் ஒன்றின் கட்டமைப்பு MIME Multipurpose Internet mail Extensions என அழைக்கப்படுகிறது. இந்த கட்டமைப்பு உருவாக்கப்படுவதன் முன்னால் மெயில்களில் ரோமன் எழுத்துக்களில் உருவான டெக்ஸ்ட் மட்டுமே அனுப்பப்பட்டு வந்தன. அதன் பின்னர், மற்றவற்றையும் எப்படி அனுப்பலாம் என்ற வரையறையை இந்த கட்டமைப்பு அமைத்தது. 
அனைத்து இமெயில் கடிதங்கள் செல்லும் வழிகளும் யாரும் குறுக்கே புகுந்து எடுத்துப் படிக்கக் கூடிய வழிகளாகத் திறந்த நிலையில் தான் உள்ளன. எனவே மிக மிக இரகசியமாக ஒரு செய்தியை அனுப்ப வேண்டும் என எண்ணினால் அந்த செய்தியை ஒரு டிஜிட்டல் சிக்னேச்சர் மூலமாகவோ, என்கிரிப்ஷன், டிக்ரிப்ஷன் மூலமாகவோ பாதுகாப்பாக அனுப்ப வேண்டும். 


புஷ் மெயில்
ஹேண்ட் ஹெல்ட் எனப்படும் கைகளில் எடுத்துச் செல்லும் கம்ப்யூட்டர்கள் மற்றும் ஸ்மார்ட் மொபைல் போன்களில் இந்த புஷ் மெயில்கள் கிடைக்கின்றன. இந்த வகையில் இன்டர்நெட் இணைப்பு எப்போதும் இயக்கப்பட்ட நிலை யிலேயே இருக்கும். அந்த சாதனத்தில் செட் செய்த வகையில் அந்த முகவரிக் கான இமெயில் சாதனத்தை சென்றடை யும். பெரும்பாலான இத்தகைய மெயில்களில் மெயில்களின் ஹெடர்கள் மட்டுமே பெறப்படுகின்றன. பின் இவற்றை இயக்கி முழு அஞ்சலையும் படிக்கலாம். இதனால் பேண்ட் வித் மிச்சம் பிடிக்கப்படுகிறது. புஷ்மெயில் பரிமாற்றத்திற்கு IMAP 4 பயன்படுத்தப்படுகிறது. பிளாக்பெரி தன்னுடைய சொந்த வழிமுறை ஒன்றை பயன் படுத்துகிறது. 

ஆப்பரேட்டிங் சிஸ்டத்தின் பணிகள்

ஆப்பரேட்டிங் சிஸ்டத்தின் பணிகள்

கம்ப்யூட்டர் சிஸ்டத்தில் ஆப்பரேட்டிங் சிஸ்டம் என்ன செய்கிறது? அதன் பணிகள் என்ன என்று நாம் அவ்வளவாகக் கண்டு கொள்வதில்லை. நாம் பயன்படுத்தும் அப்ளிகேஷன் புரோகிராம்களான, எம்.எஸ். ஆபீஸ், பேஜ்மேக்கர், கோரல் டிரா, ஆட்டோகேட் போன்றவற்றின் பணிகளையே மிகவும் உற்சாகமாகப் பேசுகிறோம்.

ஆனால் இவற்றிற்கு அடிப்படை யாகவும், இயக்கு வதாகவும் செயல்படுவது ஆப்பரேட்டிங் சிஸ்டமே. இது என்ன என்ன தலையாயப் பணிகளை மேற்கொள்கிறது என்று பார்க்கலாம்.

கம்ப்யூட்டரில் பல பணிகளை நிர்வாகம் (Management) செய்வது ஆப்பரேட்டிங் சிஸ்டமாகும். அவை

1) உள்ளீடு / வெளியீடு (Input/ Output)

2) நினைவக (Memory) மேலாண்மை

3) பணி (Task) மேலாண்மை

4) பைல் மேலாண்மை

கீபோர்டு, மானிட்டர், பிரின்டர் போன்ற ஹார்ட்வேர் உறுப்புக்களைக் கண் காணித்து அவற்றிடம் வேலை வாங்குவது ஆப்பரேட்டிங் சிஸ்டமே. எடுத்துக்காட்டாக ஒவ்வொரு தடவையும் கீபோர்டில் உள்ள கீகளை நீங்கள் அழுத்தும் பொழுது, ஆப்பரேட்டிங் சிஸ்டம் கண்காணித்து, அந்த கீகள் குறிக்கிற எழுத்துக்களை மானிட்டரில் வெளிப்படுத்துகிறது.

உங்கள் கம்ப்யூட்டரில் உள்ள நினைவகத்தின் அளவை அறிந்து அதைப் புத்திசாலித்தனமாக ஆப்பரேட்டிங் சிஸ்டம் பயன்படுத்திக் கொள்ளும். நினைவகத்தில் தான் தங்குவதற்கான இடம், அப்ளிகேஷன் சாப்ட்வேர்கள் தங்குவதற்கான இடம், நீங்கள் டைப் செய்கிற விவரங்களை இருந்த இடம், டிஸ்க்கிலுள்ள பைலை படிக்கும் பொழுது அதன் விவரங்களை வைக்க வேண்டிய இடம் போன்றவற்றை ஆப்பரேட்டிங் சிஸ்டமே தீர்மானிக்கிறது.

பல ஆப்பரேட்டிங் சிஸ்டங்களில் ஒரே நேரத்தில் ஒன்றுக்கு மேற்பட்ட அப்ளிகேஷன்களை இயக்க முடியும். Multitask என இதை அழைப்பார்கள். இவ்வாறு பல பணிகளில் ஈடுபடும்போது ஒன்றுக்கும் மற்றொன்றுக்கும் இடையே பிணக்கு எதுவும் ஏற்படாமல், சிக்கலின்றி வழி நடத்த ஆப்பரேட்டிங் சிஸ்டம் உதவுகிறது.

ஒரு குறிப்பிட்ட பணியை இரு சிறு கூறுகளாகப் பிரித்து இரண்டு சிபியுக்களிடம் (CPU) கொடுத்து வேலையை முடிக்கவும் ஆப்பரேட்டிங் சிஸ்டத்திற்குத் தெரியும்.

நீங்கள் உருவாக்கும் பைல்கள், மற்றும் அப்ளிகேஷன்களுக்கான பைல்கள் போன்றவற்றை ஆப்பரேட்டிங் சிஸ்டமே பராமரிக்கிறது. பைலைச் சேமிக்க, அழிக்க, வேறிடத்துக்கு நகர்த்த, பெயர் மாற்றம் செய்ய போன்ற வேலைகளை நீங்கள் மேற்கொள்கையில் ஆப்பரேட்டிங் சிஸ்டமே அவற்றை மேற்கொள்கிறது.

பைலைச் சேமிக்கும் பொழுது அதன் நேரம், தேதி ஆகியவற்றைக் குறிக்கிறது. பைலைப் படிக்க/மட்டும் (Read only), மறைக்க (Hidden), சிஸ்டம் என்ற பண்புகளை (Attributes) பைல்களுக்கு நீங்கள் கொடுக்கும் போது அவற்றை மேற்கொள்வதும் ஆப்பரேட்டிங் சிஸ்டமே.

படிக்க/மட்டும் என ஒதுக்கிய பைலில் மாற்றம் செய்ய விடாமல் தடுப்பது, அதே பெயரில் வேறொரு பைலைச் சேமிக்க விடாமல் தடுப்பது எல்லாம் ஆப்ப ரேட்டிங் சிஸ்டத்தின் வேலை தான்.

எதிர்ப்பொருள் வளையம்

எதிர்ப்பொருள் வளையம்

பி. நமக்கு அருகிலமைந்த ஆராய்ச்சி பொருள் பூமியேயாகும். நாம் வாழும் பூமி பருப்பொருளால் ஆனது. பருப்பொருள் துகள்களால் (எலக்ட்ரான், புரோட்டான், நியூட்ரான்) ஆனவை. இவ்வுலகில் ஒவ்வொரு பண்புகளுக்கும் எதிர்பண்புகள் உண்டு. ஒரு பொருள் உண்டென்றால், அதற்கு நேர் எதிர் பருப்பொருள் இல்லாத நிலையும் நிலவ வேண்டுமல்லவா. அத்தகைய, பொருள் இல்லாத நிலையினை எதிர்பொருள் என்றழைக்கப்படுகிறது. எதிர்பொருட்கள் எதிர் துகள்களால் ஆனவை. பௌதிக அடிப்படையில் பார்க்கும்போது பொருளும் எதிர்பொருளும் அடிப்படையில் ஒரே மாதிரியானவைதான். இரண்டின் அணுக்களும் எலக்ட்ரான், புரோட்டான், நியூட்ரான்களை கொண்டவைதான். வேறுபாடு அதன் மின் சுமைகளில் மட்டுமே. பொருளிலுள்ள துகள்களில் எலக்ட்ரானின் மின்சுமை எதிர்மறை (-) என்றால் எதிர்துகளில் எலக்ட்ரானின் மின்சுமை நேர்மறையானது (+). இந்த நேர்மறை மின்சுமை கொண்ட எலக்ட்ரான்களை (Positive Electron) பாசிட்ரான் என்றழைக்கப்படுகிறது. அதேபோன்று புரோட்டானின் எதிர்துகள் எதிர்- புரோட்டான். நியூட்ரானுக்கு மின்சுமையில்லை.  ஆனால் காந்த திருப்பு விசையில் நியூட்ரானும் எதிர் நியூட்ரானும் மாறுபடுகின்றன. இன்னும் சரியாக கூறி னால் நியூட்ரான் குவார்கினாலானவை. எதிர் நியூட்ரான் எதிர் குவார்க்கினாலானவை.

துகளும் எதிர் துகளும் சந்திக்கும்போது ஒன்றிலொன்று அழிகிறது (annihilation).. இந்நிகழ்வில் அளவிட முடியாத ஆற்றல் வெளிப்படுகிறது. ஐன்ஸ்டீனின் E=MC2 கூற்றுப்படி). இன்று நாமறிந்த பௌதீக விதிகள் மிகச் சரியானவையென்றால் பூமி உருவானதாக கருதப்படும் பெருவெடிப்பு (Big Bang) நிகழ்வில் பொருளும் எதிர்பொருளும் உருவாகியிருக்க வேண்டும். நம் கண்களுக்கு புலப்படும் இவ்வுலகம் முழுவதும் பொருள் நிறைந்திருக்கிறது. அப்படியானால் எதிர்பொருள் ஏதோ ஒரு காரணத்தால் புலப்படாமல் மறைந்திருக்கலாம். இதுவரை, இதற்கான காரணத்தை கண்டறிய இயலவில்லை.


 1880-ஆம் ஆண்டு வில்லியம் ஹிக்ஸ் என்பவர்தான் முதன்முதலில் "வெர்டக்ஸ் தியரி ஆப் கிராவிடி' மூலம் எதிர்பொருள் பற்றிய சிந்தனையை முன்வைத்தவர். எதிர்-புவிஈர்ப்பு தன்மையுடைய (Negative  Gravity)   பொருட்கள் இருப்பதற்கான சாத்தியக்கூறுகள் உள்ளதாக இவருடைய வெர்டக்ஸ் தியரி ஆப் கிராவிடி (Vortex theory of Gravity)  கூறியது. 1880-க்கும் 90-க்கும் இடையேயான காலகட்டத்தில் கர்ல் பியர்சன் ஈதர்களினுடைய பாய்ச்சலில் ((Flow) மூலங்களும் ((Source)   உறிஞ்சிகளும் (Sink) இருக்கின்றன என்ற கருத்தினை முன்மொழிந்தார். இவருடைய கூற்றுப்படி பார்த்தால் மூலம் (Sink)  பொருளையும் உறிஞ்சி (நண்ய்ந்) எதிர்பொருளையும் குறிப்பதாக  அமைகிறது. எதிர்பொருள் என்ற வார்த்தையை முதன்முதலில் உபயோகித்தவர் ஆர்தர் சுஸ்டர் என்பவரே (1898). இவர் சூரிய மண்டலத்தில் நிலவும் எதிர்-அணுக்களால் ஆன எதிர்பொருட்கள் பற்றியும், பொருள் எதிர்பொருள் ஒன்றிலொன்று அழிந்து போதல் பற்றியும் சில கருத்துகளை வெளியிட்டார். இவருடைய கருத்துகள் சீரிய முறையில் எடுத்தாளப்படவில்லை. அதன் காரணம் எதிர்-புவிஈர்ப்பு விசையைக் கொண்ட, எதிர்பொருளைப் பற்றிய வெறும் கண்ணோட்டமாகவே அவருடைய கருத்துகள் அமைந்ததுதான். 


எதிர்பொருளைப் பற்றிய தற்போதைய கோட்பாட்டை கூறியவர் பால் டிரக் என்ற பிரிட்டிஷ் பௌதிகவியலர். இவர் பிரசித்தி பெற்ற ஐன்ஸ்டீனின் ஆற்றல் சமன்பாட்டை மறு ஆய்வுக்கு உட்படுத்தி னார். ஐன்ஸ்டீனின் ஆற்றல் சமன்பாட்டில் ""நிறை'' நேர்மறை (+) பண்பினை கொண்டிருக்கிறது. அதேபோல் ""நிறை''யானது எதிர்மறை (-) பண்பினையும் கொண்டிருக்கலாம் என்ற சாத்தியக் கூறை ஐன்ஸ்டீன் கவனிக்கவில்லை என்ற புது குண்டை தூக்கிப் போட்டார். மேலும் டிரக், ஐன்ஸ்டீனின் சமன்பாட்டை E = + அல்லது - MC2 என்று மாற்றி எழுதினார். 1928-ஆம் ஆண்டு எலக்ட்ரான்களைப் பற்றிய ஷிரோடிங்கர் அலைச்சமன்பாடுகளை Wave equation) ஆய்வு செய்து சார்பியல் வடிவமாக வெளியிட்டார். அவ்வாய்வின் முடிவில் எதிர்-எலக்ட்ரான்கள் நிலவுவதற்கு சாத்தியமிருப்பதாக கணித்துக் கூறினார். இவர் கண்டறிந்த சமன்பாடு குவாண்டம் மெக்கானிக்ஸ் மற்றும் சிறப்பு ஒப்புமை கொள்கை  (Relativity theory)  ஆகியவற்றின் அடிப்படையில் எலக்ட்ரான்களைப் பற்றிய முழு விவரம் கொண்டதாக இருந்தது. இதுமட்டுமின்றி சமன்பாடுகள் இரண்டு தீர்வுகளை கொண்டதாக இருந்தது. எதிர் மின்சுமை கொண்ட எலக்ட்ரான்களைப் பற்றிய தீர்வு ஒன்று. மற்றொன்று நேர்மின்சுமை கொண்ட எலக்டரான்களை பற்றிய தீர்வு. இவ்விரு தீர்வுகளின் மிகச்சரியான அர்த்தம் 1932-ஆம் ஆண்டு எதிர் எலக்ட்ரான்களை (நேர்மின்சுமை கொண்ட எலக்ட் ரான்களை) கண்டறிந்து அதற்கு பாசிட்ரான் என்று பெயரிடும் வரை புலனாகவில்லை. பாசிட்ரான்களை கண்டுபிடித்தபெருமை கர்ல்.டிஆண்டர்சன் என்ற அறிவியலரையே சாரும்.


ஒளியின் வேகத்தில் பறக்கக்கூடிய இயந்திரங்களை (அ) வாகனங்களை உருவாக்குவதற்கான தொழில்நுட்பம் நம்மிடத்தில் இல்லை. ஆனால் ERN  (European Organisation for Nuclear Research)  போன்ற ஆராய்ச்சி கூடங் களிலுள்ள முடுக்கிகளின் உதவியுடன் ஹைட்ரஜன் அணுக்கருவிலுள்ள புரோட்டான் துகளை ஒளியின் வேகத்தில் செலுத்த முடியும். ஒளியின் வேகத்தில் பயணம் செய்துகொண்டிருக்கும் ஒரு துகளின் மீது மற்றொரு துகள் மோதும் போது உயர் வெப்பநிலை உண்டாகும். மோதலினால் உருவாகும் வெப்பநிலை 10,000,000,000,000 டிகிரி சென்டிகிரேட் இருக்கும். இது சுமாரான மதிப்புதான். இம்மாதிரியான அதீத சூழல் நிலவும் போது, மோதலினால் ஆற்றல் வெளிப்பட்டு, பொருளாக மாறுகிறது.


பொருட்களின் அடிப்படை துகள்களான எலக்ட்ரான், புரோட்டான் நியூட்ரான் அழிவில்லாதது, இதன் வயது சுமார் 15 பில்லியன் வருடங்களாக இருக்கலாம் என கருதப்படுகிறது (நமது பிரபஞ்சத்தின் வயதும் இதுவே). முதன் முதலில் அண்டம் (அ) பிரபஞ்சம் உருவாவதற்கு காரணமான பெரு வெடிப்பு  (Big Bang)  நிகழ்ந்தவுடன் முதலில் வெளிப்பட்ட ஆற்றலினின்று இந்த அடிப்படை துகள்கள் உருவாயின. உருவான இத்துகள்களில் துகள் மற்றும் எதிர்-துகள்கள் சம அளவில் இருந்திருக்க வேண்டும் ஆனால் என்ன காரணத்தாலோ துகள் மற்றும் எதிர்துகள்களின் அளவு சம அளவில் இருக்கவில்லை. துகள்களைவிட எதிர்- துகள் குறைவாகவே காணப்பட்டது. பெருவெடிப்பு நடந்து முடிந்து மிக நுண்ணிய நேரத்திற்கு பிறகு (1/10 பில்லியன் நிமிடம்) அங்கு ஏற்பட்ட வெப்பத்தின் அளவு கணக்கிலடங்காது. ஒரு வெப்பப் பிரளயமே ஏற்பட்டது. வெப்பநிலை பலகோடி டிகிரி சென்டிகிரேட் நிலவியது. வெப்பப் பிரளயத்தினுள்ள புதிய துகள் மற்றும் எதிர்துகள் உருவாவதும் பின் அவை இரண்டும் ஒன்றிலொன்று அழிந்து ஆற்றலாக மாறுவதுமான நிகழ்ச்சிகள் மாறிமாறி நிகழ்ந்துகொண்டே இருந்தன. உருவான துகள் எதிர் துகள் அளவைவிட அதிகம் காணப்பட்டது. எடுத்துக்காட்டாக ஓரு கோடி எதிர் துகளுக்கு ஒரு கோடியே + ஒன்று துகள் உருவானது, அழிதல் நிகழ்வில் சம அளவிலான துகள் மற்றும் எதிர்துகள்கள் ஈடுபட்டு அழிந்து போயின. வெப்பம் தணிந்து குளிவடையத்துவங்கியவுடன் சிறிது துகள் மட்டுமே எஞ்சி நின்றது. இதுவே இப்பிரபஞ்சம் உருவாக காரணமானது. 


தற்போது இயற்கையில் உயர் ஆற்றல் கொண்ட காலக்டிக் காஸ்மிக் கதிர்கள் (Galactic cosmic Ray)  எதிர்பொருட்களை உருவாக்குகின்றன. இவை கோள்களின் வளிமண்டலத்தையும், நட்சத்திர மண்டலத்தையும் தகர்த்து உள்ளே நுழைகின்றன. இவ்வாறு உருவாக்கப்படும் எதிர்பொருளுக்கு இரண்டாம் நிலை உற்பத்தி எதிர்பொருள் என்று பெயர். இதனை விண்வெளியில் நிறுவப்பட்டுள்ள வானியல் உபகரணங் களைக்கொண்டு (10 ஜிகா எ.வோ.வரையிலானவை அறியப்படுகிறது. 

காஸ்மிக் கதிர்களினால் உருவாக்கப்பட்ட எதிர் துகள்கள் புவியின் மேக்னடோஸ்பியர் (காந்த மண்டலம்)னால் பிடிக்கப்படுகிறது. அது அவ்விடத்திலுள்ள துகளுடன் இணைந்து அழிதல் நிகழ்ச்சியில் ஈடுபடுகிறது. இது ஒரு தொடர் வினையாக நடைபெறுகிறது. இதனைப் பற்றி ஆராய்வதற்காக 1990 -ஆம் ஆண்டில் ரஷ்யாவின் சல்யூட்-7 மற்றும் மிர் (MIR)  விண்வெளி ஆய்வகங்கள் முயற்சி மேற்கொண்டன. அதன் பின்னர் 2006-இல் சோயுஸ் (Soyoz) ராக்கெட்டினை கொண்டு (Russian Satillite Resurs -DRI என்ற செயற்கைகோளை ஏவியது. இவ்வாய்விற்கு (PAMELA - Pay Load for Antimatter Exploration and light - Nuclei Astrophysics)  என்று பெயர். இவ்வாய்வில் முதன்முறையாக இரண்டாம் நிலை உற்பத்தி எதிர் - புரோட்டான்கள் (எதிர்துகள்) புவியை சுற்றியுளள உட்கதிர் வீச்சுப்பட்டையில் பிடிக்கப்படுவது கண்டறியப்பட்டது. PAMELAவின் ஆய்வுகள் வான்பௌதிகவியலிலும், பிரபஞ்சவியலிலும் புரியாத, புலப்படாத பல உண்மைகளை வெளிக்கொணரும் தீவிர முயற்சிகளில் இறங்கியுள்ளது. இவ்வாய்வு குழுமத்தில் ஜெர்மனி, இத்தாலி சுவீடன் ஆகிய நாடுகளின் அறிவியலர்களும் இடம் பெற்றுள்ளனர். 


ஒரு எலக்ட்ரானும் புரோட்டானும் இணைந்தால் ஹைட்ரஜன் அணு உருவாவதினைப் போலவே ஒரு பாசிட்ரானும் (e+) எதிர் புரோட்டானும் () இணைந்து எதிர்-ஹைட்ரஜன் அணுவினை உண்டாக்குகிறது. இதனை உருவாக்க அதிக ஆற்றல் தேவைப்படும்.  


சூரியப்புயல் போன்ற நிகழ்வுகளிலிருந்து காஸ்மிக் கதிர்கள் புவிமண்டலத்திற்கு வருகின்றன. அதில் மின்சுமை கொண்ட துகள்கள் (எலக்ட்ரான், புரோட்டான்) புவியின் காந்த மண்டலத்தில் நுழையும்போது புவியின் காந்த புலத்திற்கேற்ப வளைகின்றன. மின்சுமை கொண்ட துகள்கள் காந்தபுல கோடுகள் வழியாகவே நகருகிறது. புவியின் வட துருவத்திலிருந்து தென்துருவத்தை நோக்கி ஒரு வில்போன்ற பட்டையை இத்துகள்கள் ஏற்படுத்து கின்றன. மேலும் வட,தென் துருவங்களின் அருகில் திருகு அமைப்பினைப் போன்று மிக இறுக்கமாக காணப் படுகின்றன. மின்சுமை கொண்ட துகள்கள் இப்பட்டையில் துருவப்பகுதிகளில் திருகினைப்போன்று சூழல்வதுடன் முன்னும் பின்னும் நகரும். இது வான் ஆலன் கதிர் வீச்சுப்பட்டை எனப்படுகிறது. இப்பட்டை உள்பட்டை வெளிப்பட்டை என இரண்டாக பிரிக்கப்படுகிறது. வெளிப் பட்டை புவிக்கு மேலே ஆயிரக்கணக்கான கிலோ மீட்டருக்கு அப்பால் உள்ளது. இதில் சக்தி வாய்ந்த எலக்ட்ரான்கள் பரவியுள்ளன. உள்பட்டை புவியின் மேற்பரப்பிலிருந்து 100 முதல் 2000 கி.மீ வரையிலான உயரத்தில் பரவியுள்ளது. இது புரோட்டான்களையும் எலக்ட்ரான்களையும் உள்ளடக்கியுள்ளது.


இப்பட்டைகள் செயற்கைகோள்களுக்கு பேராபத்தை விளைவிக்க கூடியவை. இப்பட்டைகளின் வழியே செயற்கைகோள்கள் செல்லும்போது புவியின் காந்த மண்டலத்தில் பரவியிருக்கும் புரோட்டான்களின் கதிர் வீச்சிற்குட்பட்டு செயற்கைகோள்கள் செயலிழந்து போகும் வாய்ப்புள்ளது. 
புரோட்டான் எதிர்- புரோட்டான் அழிதல் நிகழ்வின் போது காமாகதிர்கள் உமிழப்படுகின்றன. இதனை நிறை- நிறமாலைமானியின் உதவியுடன் காண இயலும். பாசிட்ரான்- எலக்ட்ரான் அழிதல் நிகழ்வுகளில் கண்ணுக்கு புலப்படும் காமா கதிர்கள் வெளிவிடப் படுகின்றன. இந்த உண்மையை ஜேம்ஸ் பிரிக்ஃபோர்டு என்னும் அறிவியலார் கண்டறிந்தார். 


1 கிலோ எதிர்பொருளை பொருளுடன் இணைந்து அழிதல் நிகழ்விற்கு உட்படுத்தும்போது வெளிவரும் ஆற்றல் சுமார் 30 மில்லியன் பீப்பாய் கச்சா எண்ணெய் (பெட்ரோல், டீசல்) எரிவதனால் கிடைக்கும் வெப்ப ஆற்றலுக்கு சமம். இன்று நாம் மிகச்சிறந்த ஆற்றல் மூலமாக கருதும் அணுசக்தி ஆற்றலைவிட மும்மடங்கு சிறந்த ஆற்றல் இது. ராக்கெட்டுகளில் உபயோகிக்கும் உந்து எரிபொருள் தரும் ஆற்றலைவிட 10 மடங்கு சிறந்தது. இவ்வாற்றலை மனிதகுல பயன்பாட்டிற்கு உபயோகிப்பதில் மிகப்பெரிய முட்டுக்கட்டையாக விளங்குவது எதிர்- புரோட்டான்களை உற்பத்தி செய்வதும், பாதுகாப்பதும் தான். நாம் வாழும் பூமியில் எதிர் புரோட்டான்களை பிடிப்பது கடினமான காரியம்தான். ஆனால் சனி போன்ற தொலைவிலுள்ள கிரகத்தில் அதிக அளவில் எதிர்பொருள் காணப்படுகின்றன. முன்கால கனவுகள் தற்போது சாத்தியமாகிக் கொண்டிருக்கும் அறிவியல் உலகில் எதிர்பொருள் சக்தியினால் இயங்கும் மனிதனின் தேவைகளும், இயந்திரங்களும் எதிர்காலத்தில் சாத்தியப்படும். 

வைரஸ் வகைகள்

வைரஸ் வகைகள்

1.ADWARE: கம்ப்யூட்டர் பயன் படுத்துபவரின் அனுமதியின்றி, அவர் அறியாமலேயே, பதியப்படும் ஒரு புரோகிராம். ஒருவரின் இணையத் தேடல்கள் குறித்த தகவல்களை அறிய இந்த புரோகிராம்கள் பயன்படுத்தப்படும். இதன் மூலம் கம்ப்யூட்டர் பயன்படுத்துபவரின் விருப்பங்களை அறிந்து கொண்டு, விளம்பரங்களைத் தரும். இந்த தொல்லை மட்டுமின்றி, நம் ஹார்ட் டிஸ்க்கின் இடத்தையும், சிபியுவின் செயல்பாட்டினையும், நமக்குத் தேவை எதுவும் இன்றி எடுத்துக் கொள்ளும். Trackng cookies  என்பவையும் இதில் சேரும்.
2. BACKDOOR SANTA: இணையத்தில் கிடைக்கும் புரோகிராமின் பயன்களை விரும்பி, அதனை டவுண்லோட் செய்து பயன்படுத்துவீர்கள். அப்போது அதே புரோகிராம், உங்களை அறியாமலேயே, உங்கள் கம்ப்யூட்டர் பயன்பாடு, நீங்கள் செல்லும் இணைய தளங்கள், நீங்கள் இணையத்தில் வாங்கும் பொருட்கள் போன்ற தகவல்களைத் திரட்டும். நீங்கள் பயன்படுத்தும் புரோகிராம் இந்த வேலையை மேற்கொள்கிறது என்பது உங்களுக்குத் தெரியாது.  Alexa   மற்றும்  Hotbar போன்றவை இத்தகைய புரோகிராம்களே. உங்களுடைய பிரவுசரின் டூல்பாரில், நீங்கள் எதிர்பார்க்காமல், இந்த டூல்பார்களில் ஒன்றைப் பார்க்க நேர்ந்தால், பேக் டோர் சாண்டா உங்கள் கம்ப்யூட்டரில் உள்ளதாகப் பொருள். உடனே Add/Remove Programs  சென்று அதனை நீக்கவும்.


3. BHO: இதனை விரித்தால்  Browser Helper Object  என்று கிடைக்கும். நீங்கள் உங்கள் பிரவுசரை விரித்தவுடன் இதுவும் இயங்கும். சில பி.எச்.ஓ.க்கள் நமக்கு உதவுபவை. ஆனால் சில புரோகிராம்கள், நம்மை இணையத்தில் திசை திருப்பி, பாலியல் தளங்களில் கொண்டு சென்றுவிடும். உங்கள் கம்ப்யூட்டரை இது ஹைஜாக் செய்துவிட்டால், கம்ப்யூட்டர் மிகவும் மெதுவாக இயங்கத் தொடங்கும். சில ட்ரோஜன் வைரஸ்கள் இதைப் பயன்படுத்தி தங்கள் வேலையை முடிக்கும்.


4.  BLENDED THREAT: கம்ப்யூட்டரில் அதிக பட்ச சேதம் விளைவிக்கும் தாக்குதல். வைரஸ் மற்றும் வோர்ம் இணைந்து செயல்படுவது போல இயங்கும். இது இமெயில் வழியே வைரஸை பரப்பும். இத்தகைய தாக்குதல் ஆகும். அனைத்து கம்ப்யூட்டர்களிலும் வைரஸ் புரோகிராமினை வேகமாகப் பரவிவிடும்.


5. BOTNETS: குழுவாக நெட்வொர்க்கில் இணைக்கப்பட்டுள்ள கம்ப்யூட்டர்களை, ஹேக்கர்கள் கைப்பற்றியபின் இவ்வாறு அழைக் கின்றனர். ஹேக்கர்கள் இவற்றைத் தங்கள் இஷ்டப்படி ஆட்டுவிப்பார்கள். அந்த நெட்வொர்க் ஒரு ரோபோ ("robot network") போலச் செயல்படும். இதனால் தான் இதற்கு இந்த பெயர் வந்தது.


6.  BROWSER HIJACKER:  இந்த புரோகிராம், நாம் பிரவுசர் மூலம் இணைய தளங்களைப் பார்த்துக் கொண்டிருக்கையில், இந்த புரோகிராமினை அனுப்பியவரின் இணைய தளங்களுக்கு நம்மை அழைத்துச் செல்லும். மீண்டும் நாம் இயங்கிய தளங்களுக்கு வர முடியாது. அது மட்டுமின்றி, நம் பிரவுசர் செட்டிங்குகளையும் மாற்றிவிடும். நம் ஹோம் பக்கத்தை மாற்றிவிடும். நாமாக அதனை பழையபடி மாற்றினால், மீண்டும் அது செட் செய்திடும் தளத்தினை ஹோம் பேஜாக அமைத்துவிடும்.


7.  ADWARE COOKIES: பொதுவாக குக்கிகள் என்பவை, சில இணைய தளங்களால், நம் கம்ப்யூட்டரில் பதியப்படும் சிறிய பைல்கள். இவை உங்கள் கம்ப்யூட்டர் குறித்த தகவல்களை அந்த இணைய தளத்திற்கு அனுப்புவதற்காக பதியப்படுபவை. ஆனால் சில இணைய தளங்கள் Adware tracking cookies பதிந்துவிடுகின்றன. இவை நீங்கள் இணையத்தில் மேற்கொள்ளும் பணிகள் குறித்த தகவல்களை அவர்களுக்கு அனுப்பும். அதன் அடிப்படையில் விளம்பரங்களை அந்த தளங்கள் உங்களுக்கு அனுப்பிக் கொண்டே இருக்கும்.  Adware Cookies  எப்போதும் மோசமானவை என்று கருத முடியாது. ஆனால் நிச்சயம் இவை உங்கள் கம்ப்யூட்டரின் செயல்பாட்டைச் சிறிது மந்தப்படுத்தும்.


8. DIALERS:  ஒருவகையான சிறிய சாப்ட்வேர் புரோகிராம். இது நம் அனுமதியின்றி, நம் மோடம் மூலமாக தொலைபேசி அழைப்புகளை ஏற்படுத்தி, அவற்றின் மூலம் சில இணைய தளங்களுக்கு நம்மை கொண்டு செல்லும். பாலியல் தளங்களுக்குத்தான் பெரும்பாலும் இவை தொடர்பு அளிக்கின்றன. தொலைபேசி வழியாக இன்டர்நெட் இணைப்பு உள்ளவர்களுக்கு மட்டுமே இதனால் தொல்லை ஏற்படும். இந்தியாவில் தொலைபேசி வழி இணைப்பு இருந்த போதும், இந்த வகை தொல்லை இருப்பதாகத் தகவல் இல்லை.


7. GRAYWARE: இது தனிப்பட்ட ஒரு தொல்லை தரும் வைரஸாகத் தெரியவில்லை. பொதுவாக தடை செய்யப்பட வேண்டிய, நம் பணியை நாசம் செய்யக் கூடிய சிறிய புரோகிராம்களை இந்த சொல் கொண்டு அழைக்கலாம். மேலே சொல்லப்பட்ட அட்வேர், டயலர்கள் போன்றவை இந்த பெயரில் அடங்கும்.


8. KEYLOGGERS: நாம் கம்ப்யூட்டர் கீ போர்டில் அழுத்தும் அனைத்து கீகளையும் அப்படியே அவை எந்த கீகள் என்று பதிந்து, இந்த புரோகிராமினைப் பதிந்தவர்களுக்குக் காட்டும். நம் குழந்தைகள் கம்ப்யூட்டரில் என்ன வகை சாப்ட்வேர்களை இயக்குகிறார்கள், எந்த தளங்களுக்குச் செல்கிறார்கள் என்று கண்டறிய, இதனை நாம் பயன்படுத்தலாம். நிறுவனங்களில் தங்கள் ஊழியர்கள், கம்ப்யூட்டரில் மேற்கொள்ளும் செயல்பாடுகளைக் கண்காணிக்க இந்த புரோகிராம்கள் பதியப்படுகின்றன. சில கீ லாக்கர்கள் இலவசமாக இணையத்தில் கிடைக்கின்றன. சில கட்டணம் செலுத்தினால் மட்டுமே கிடைக்கும்.


9. MALWARE: Malicious Software என்பதன் சுருக்கம். கம்ப்யூட்டர் பயன்படுத்துபவர் அனுமதியின்றி, கம்ப்யூட்டரில் இறங்கி, தீங்கு விளைவிக்கும் அனைத்து புரோகிராம்களும் இதில் அடக்கம்.


10. STALKING HORSE: இவை பிரபலமான புரோகிராம் களுடன் இணைந்து கம்ப்யூட்டரில் வந்து தங்கும். கூடுதல் வசதிக்காக இது உள்ளது என்று அறிவிக்கப்படும். ஆனால் நம் வேலைகளின் தன்மை குறித்து, புரோகிராம் தந்த நிறுவனத்திற்குத் தகவல் அனுப்பி, பின் விளம்பரங்களை அனுப்பி வைக்கும்.

பைல்களின் வகைகள்

பைல்களின் வகைகள்

.txt:  இந்த வகை பைல்களில் பார்மட்டிங் விஷயங்கள் இருக்காது; எனவே Notepad உட்பட எந்த வகையான வேர்ட் ப்ராசசிங் சாப்ட்வேர் தொகுப்பிலும் இதனைத் திறக்கலாம்.

.rtf: ரிச் டெக்ஸ்ட் பார்மட் என அழைக்கப்படும் இந்த வகை பைல்களில் ஓரளவிற்கு டெக்ஸ்ட் பார்மட்டிங் இருக்கும். பார்மட்டைக் காட்டுகிற எந்தவித வேர்ட் ப்ராசசிங் தொகுப்பும் இதனைத் திறந்து காட்டும்.

***.doc: மைக்ரோசாப்ட் வேர்ட் தொகுப்பில் உருவாக்கப்படும் பைல்கள் அனைத்தும் இந்த துணைப் பெயருடன் கிடைக்கும். எனவே இந்த துணைப் பெயர் இருந்தால் வேர்ட் தொகுப்பைத் திறந்து பைலைத் திறக்கலாம்.

***.xls: எம்.எஸ். ஆபீஸ் தொகுப்பில் உள்ள எக்ஸெல் புரோகிராமில் உருவாகும் பைல்கள் இந்த துணைப் பெயருடன் அமைக்கப்படும். எனவே எக்ஸெல் புரோகிராம் அல்லது வேறு ஏதேனும் ஸ்ப்ரெட் ஷிட் புரோகிராம் ஒன்றில்தான் இதனைத் திறக்க முடியும்.

.ppt: விண்டோஸின் பிரிமியர் பிரசன்டேஷன் பேக்கேஜ் ஆன பவர் பாய்ண்ட் தொகுப்பில் உருவாகும் பைல்களுக்கு இந்த துணைப் பெயர் கிடைக்கும்.

.pdf: இந்த வகை பைலை அடோப் அக்ரோபட் ரீடர் அல்லது அதைப் போல வந்துள்ள பல புதிய புரோகிராம்களைக் (PDF Viewer) கொண்டு திறக்கலாம். Portable Document File என்று இதனை முழுமையாக அழைக்கிறார்கள். டெஸ்க் டாப் பப்ளிஷிங் மூலம் உருவாக்கப்பட்ட பைல்களை விநியோகம் செய்திட இந்த பைல் முறையைப் பலர் கையாளுகின்றனர்.

பைல் உருவான பாண்ட் இல்லாமல் டெக்ஸ்ட் பைலை அப்படியே படம் போல் பைலாக இது காட்டும். தற்போது இந்த வகை பைல்களை மீண்டும் டெக்ஸ்ட்டாக மாற்றுவதற்கும் புரோகிராம் கள் கிடைக்கின்றன. அடோப் அக்ரோபர் ரீடர் உட்பட இந்த வகை பைல்களைத் திறந்து படிக்கக் கூடிய புரோகிராம்கள் அனைத்தும் இலவசமாகக் கிடைக்கின்றன என்பது குறிப்பிடத்தக்கது

*******htm / html: ஒரு பைல் இவற்றில் ஏதாவது ஒன்றினைத் துணைப் பெயராகக் கொண்டிருந்தால் இது இன்டர்நெட்டில் பயன்படுத்த அமைக்கப்பட்டது என அடையாளம் கண்டு கொள்ளலாம். எனவே இதனை ஒரு வெப் பிரவுசர் புரோகிராமில் திறக்கலாம். விண்டோஸ் இயக்கத்தில் இதனைத் திறக்க இருமுறை கிளிக் செய்தால் அது இன்டர்நெட் எக்ஸ்புளோரர் தொகுப்பினைத் திறந்து இந்த பைலைக் காட்டும். அவ்வாறு காட்ட மறுத்தால் உங்கள் கம்ப்யூட்டரில் உள்ள வேறு வெப் பிரவுசர் மூலம் இதனைத் திறக்கலாம்.

.csv: ஒரு ஸ்ப்ரெட் ஷீட்டில் அமைக்கப்பட வேண்டிய தகவல்கள் காற்புள்ளிகள் என அழைக்கப்படும் கமாக்களால் பிரிக்கப் பட்டு பைலாக அமைக்கப்படுகையில் இந்த துணைப் பெயர் அந்த பைலுக்குக் கிடைக்கும். இதனை எக்ஸெல் புரோகிராமில் திறந்து பார்க்கலாம். அல்லது தகவல்களை சும்மா பார்த்தால் போதும் என எண்ணினால் எந்த வேர்ட் தொகுப்பு மூலமும் பார்க்கலாம்.

சுருக்கப்பட்ட பைல்கள்: கீழே பைல்களை சுருக்கித் தருகையில் கிடைக்கும் பைல் வகைகளின் துணைப் பெயர்கள் தரப்பட்டுள்ளன.

இவ்வாறு பைல்களைச் சுருக்கித் தருவதனை File compresseion என அழைக்கின்றனர். பைல்களின் அளவைச் சுருக்கி இணையம் வழி பரிமாறிக் கொள்ளவும் எடுத்துச் செல்லவும் இது அதிகம் பயன்படுத்தப்படுகிறது.

.zip: இந்த துணைப் பெயருடன் ஒரு பைல் உங்களுக்கு வந்தால் அது சுருக்கப்பட்ட பைல் என்று பொருள். இத்தகைய பைல்களை விரித்துக் காட்ட இணையத்தில் நிறைய புரோகிராம்கள் இலவசமாகக் கிடைக்கின்றன. இவற்றில் அதிகம் பயன்படுத்தப்படுவது விண்ஸிப் புரோகிராமாகும்.

******.rar: இதுவும் சுருக்கப்பட்ட பைலின் ஒரு வகையாகும். இதனைத் திறக்க சில ஸ்பெஷல் புரோகிராம் தேவைப்படலாம். Win Rar என்ற புரோகிராம் இந்த பணியை மிக அழகாகச் செய்து முடித்திடும்.

.cab: உங்கள் கம்ப்யூட்டரில் விண்டோஸ் இயக்கத்தில் ஏதேனும் புரோகிராம் ஒன்றை, எடுத்துக் காட்டாக வேர்ட் புரோகிராம், இன்ஸ்டால் செய்தால் விண்டோஸ் அந்த புரோகிராமினைப் படித்துத் தெரிந்து கொண்டு அதனை கேபினட் பைல் ஒன்றில் பதிந்து வைக்கும். அந்த வகை பைலின் துணைப் பெயர் தான் இது. இந்த பைலை நாம் படித்து அறிய வேண்டியது இல்லை. எனவே இதனைத் திறக்காமல் இருப்பதே நல்லது.

2038 ல் கம்ப்யூட்டர் பிரச்னை

2038 ல் கம்ப்யூட்டர் பிரச்னை

  
  2038 ஆம் ஆண்டில் ஏற்படும் என அறியப்பட்டுள்ளது. இந்த பிரச்னைUnix Millennium Bug, Y2K38 அல்லது Y2.038K என அழைக்கப்படுகிறது.

இந்த பிரச்னைக்குக் காரணம் சி புரோகிராமிங் மொழியில் பின்பற்றப்படும் ஒரு செயல்பாடுதான். சி புரோகிராம் ஸ்டாண்டர்ட் டைம் லைப்ரரி என்று ஒரு கோட்பாட்டினைப் பின்பற்றுகிறது. இதில் நேரமானது 4 பைட் பார்மட்டில் கணக்கிடப்படுகிறது. இதனைப் பயன்படுத்தி நேரத்தின் மதிப்பு கணக்கிடப்படுகிறது.

அதன் அடிப்படையில் கணக்கீடுகள், மாற்றங்கள் மேற்கொள்ளப் படுகின்றன.

இந்த 4 பைட் ஸ்டாண்டர்ட் நேரத்தைக் கணக்கிடுகையில், நேரத்தின் தொடக்கத்தினை ஜனவரி 1, 1970 12:00:00 முற்பகல் ஆக எடுத்துக் கொள்கிறது. இந்த நேரத்தில் நேர மதிப்பு 0 எனத் தொடங்கப்படுகிறது.

எந்த ஒரு நேரம் மற்றும் தேதியின் மதிப்பு இந்த 0 மதிப்பிற்குப் பின்னர் விநாடிகளின் கணக்கில் எடுத்துக் கொள்ளப்படும். எனவே, எடுத்துக் காட்டாக 919642718 என்ற மதிப்பு ஜனவரி 1, 1970 12:00:00 முற்பகலுக்குப்பின் 919642718 விநாடிகள் எனக் கணக்கிடப்படும். அப்படிக் கணக்கிடப்படுகையில் விடை ஞாயிறு, பிப்ரவரி 21, 1999 16:18:38 எனக் கிடைக்கும்.

இது ஒரு வசதியான கணக்கீடு. ஏனென்றால் இரண்டு மதிப்புகளை விநாடிகளில் கணக்கிட்டு இதன் மூலம் நேரம் மற்றும் நாளினைக் கையாள முடிகிறது. இதன் மூலம் இரு வேறு நேரம், நாள், மாதம் ஆண்டுகளைக் கையாள முடியும்.

ஆனால் ஒரு 4 பிட் இன்டிஜர் வழியைப் பின்பற்றுகையில் அதன் வழி சொல்லப்படக் கூடிய அதிக பட்ச மதிப்பு 2,14,74,83,647ஆகும். இங்கு தான் ஆண்டு 2038 என்ற பிரச்னை எழுகிறது. இந்த மதிப்பை நாள் கணக்கில் பார்க்கையில், அது ஜனவரி 19, 2038 03:14:07 ஆக மாறுகிறது. இந்த நாள் அன்று, சி புரோகிராம்கள் நேரம் கணக்கிடுவதில் திணற ஆரம்பிக்கும். ஏனென்றால் இதற்குப்
பின்னர் இந்த புரோகிராம் கள் நெகடிவ் நேரம் காட்டத் தொடங்கும்.

புரோகிராம் எழுதத் தெரிந்தவர்கள், கீழ்க்காணும் சி புரோகிராம் ஒன்றை எழுதி இயக்கிப் பாருங்கள். உங்களுக்கு இதன் பொருள் தெரியும்.

01.#include
02.#include
03.#include
04.#include
05.
06.int main (int argc, char **argv)
07.{
08. time_t t;
09. t = (time_t) 1000000000;
10. printf (“%d, %s”, (int) t, asctime (gmtime (&t)));
11. t = (time_t) (0x7FFFFFFF);
12. printf (“%d, %s”, (int) t, asctime (gmtime (&t)));
13. t++;
14. printf (“%d, %s”, (int) t, asctime (gmtime (&t)));
15. return 0;
16.}

இந்த புரோகிராமின் அவுட்புட்
1.1000000000, Sun Sep 9 01:46:40 2001
2.2147483647, Tue Jan 19 03:14:07 2038
3.2147483648, Fri Dec 13 20:45:52 1901

என அமையும்.

இந்த பிரச்னையை சாப்ட்வேர் கட்டமைப்பைத் திருத்துவதன் மூலம் தீர்த்துவிடலாம் என்று அறிவிக்கப் பட்டுள்ளது. பழைய Y2K பிரச்னை போல பெரிய அளவில் பாதிப்பு ஏற்படாமல் தடுத்துவிடலாம் என்று நம்பிக்கை தெரிவித்துள்ளனர்.

சிலர், ஐ.பி.எம். வகை பெர்சனல் கம்ப்யூட்டர்களில் இந்த பிரச்னை 2016 ஆம் ஆண்டிலேயே வரும் எனக் கணித்துள்ளனர். ஏனென்றால் இந்த வகைக் கம்ப்யூட்டர்களில் நேரமானது ஜனவரி 1,1980 எனத் தொடங்கும் வகையில் அமைக்கப்பட்டுள்ளது. இந்த வகைக் கம்ப்யூட்டர்களைத் தான் நம்மில் பெரும்பாலோனோர் பயன்படுத்தி வருகிறோம்.

விண்டோஸ் என்.டி. சிஸ்டம் பயன்படுத்தும் கம்ப்யூட்டர்களில் இந்த பிரச்னை இப்போதைக்கு இல்லை. ஏனென்றால் அவற்றில் நேரத்தைக் கணக்கிட 64 பிட் இன்டிஜர் அடிப்படையாக உள்ளது. மேலும் அதன் கணக்கீடு 100 நானோ நொடிகளை அடிப்படையாகக் கொண்டது.

அதன் நேரம் ஜனவரி 1, 1601 என்பதால், 2184ல் தான் என்.டி. சிஸ்டங்களில் இந்த பிரச்னை ஏற்படும் வாய்ப்பு உள்ளது. இந்த பிரச்னை குறித்து ஆப்பிள் நிறுவனம் கூறுகையில் தன் கம்ப்யூட்டர்களில் இந்த பிரச்னைக்கு இடம் இல்லை எனத் தெரிவித்துள்ளது. இப்போதைக்கு உள்ள நிலையில், கணக்கீட்டின் அடிப்படையில், மேக் கம்ப்யூட்டர்களில் இந்த பிரச்னை 29,940 ஆம் ஆண்டில் தான் ஏற்படுமாம்.

உங்கள் கணினி பாஸ்வேர்ட் மறந்து போனால்…

விண்டோஸ் எக்ஸ்பி இயங்கு தளத்தில் பயனர் கணக்கை (user account) உருவாக்கி அதனை எவரும் அணுகா வண்ணம் பாஸ்வர்ட் மூலம் பாதுகாப்பளிக்கவும் முடியும் அப்படி நீங்கள் உருவாக்கும் பயனர் கணக்குக்குரிய பாஸ்வர்ட் ஒருவேளை மறந்து போனால் விண்டோஸில் டிபோல்டாக உருவாக்கப்படும் அட்மினிஸ்ட் ரேட்டர் (administrator) கணக்கு மூலம் லாக் ஓன் செய்து அதனை நீக்க முடியும். இந்த அட்மினிஸ்ட்ரேட்டர் கணக்குக்குப் பாஸ்வர்ட் இட்டுக் கொள்வோரும் உண்டு. இப்போது அந்த அட்மினிஸ்ட்ரேட்டர் கணக்குக் குரிய பாஸ்வர்டும் மற்ந்து போனால் என்ன செய்வது?


முதலில் கணினியை இயக்கி சிடியிலிருந்து பூட் ஆகுமாறு பயோஸ் (BIOS) செட்டப்பில் மாற்றி விடுங்கள். கணினியை மறுபடி இயக்கி விண்டோஸ் எக்ஸ்பீ சிடியை ட்ரைவிலிட Press any key to boot from CD எனும் செய்தி திரையில் தோன்றும். அப்போது ஒரு விசையை அழுத்த சிடியிலிருந்து கணினி பூட் ஆக ஆரம்பிக்கும். இது விண்டோஸை நிறுவும் செயற்பாட்டில் முதற்படியாகும்.

இந்த செயற்பாட்டில் கணினியைப் பரிசோதித்து பைல்கள் லோட் செய்யப்பட்டதும் Licensing Agreement திரை தோன்றும். அப்போது F8 விசையை அழுத்தியதும் வரும் திரையில் புதிதாக விண்டோஸை நிறுவுவதா அல்லது ஏற்கனவே நிறுவப்பட்டுள்ளதை சரி செய்வதா (Repair) என வினவும். அப்போது கீபோர்டில் R கீயை அழுத்தி ஏற்கனவே நிறுவப்பட்டுள்ள விண்டோஸை சரி செய்வதற்கான விருப்பை தெரிவு செய்யவும்.

அடுத்து கணினி மறுபடி இயங்க ஆரம்பித்து (restart) ஒரு சில நிமிடங்களில் திரையின் இடது புறத்தில் Installing Devices எனும் செயற்பாடு நடைபெறக் காணலாம். இந்த இடத்தில்தான் நீங்கள் செயற்பட வேண்டியுள்ளது. இங்கு கீபோர்டில் SHIFT + F10 விசைகளை ஒரே நேரத்தில் அழுத்துங்கள். அப்போது திரையில் கமாண்ட் விண்டோ தோன்றும். கமாண்ட் ப்ரொம்டில் NUSRMGR.CPL என டைப் செய்து எண்டர் கீயை அழுத்த கண்ட்ரோல் பேனலிலுள்ள User Accounts விண்டோ திறக்கக் காணலாம். இங்கு நீங்கள் விரும்பும் பயனர் கணக்குக்குரிய பாஸ்வர்டை மாற்றவோ நீக்கவோ முடியும்.,

ஒரு யூசர் கணக்கில் நுளையும்போது அதாவது லொக்-ஓன் செய்யும் போது பாஸ்வர்டை வினவாமல் செய்ய அதே கமாண்ட் ப்ரொம்டில் control userpasswords2 என டைப் செய்து எண்டர் கீயை அழுத்துங்கள். அங்கு அட்மினிஸ்ட்ரேட்டர் கணக்குக்குரிய பாஸ்வர்டை மாற்றவோ அல்லது நீக்கவோ (Reset password) ரீசெட் பாஸ்வர்ட் பட்டனில் க்ளிக் செய்து மாற்றிக் கொள்ளலாம்.

மாற்றங்கல் செய்த பின்னர் அந்த டயலொக் பொக்ஸை மூடிவிட்டு விண்டோஸ் ரிபெயாரிங் செயற்பாடு பூர்த்தியாகும் வரை அதனைத் தொடர வேண்டும்.

USB PORT ஐ DISABLE செய்வது எப்படி

  USB PORT ஐ DISABLE செய்வது எப்படி

 RUN----->TYPE " regedit "

REGISTRY EDITOR சென்றவுடன்,

HKEY_LOCAL_MACHINE\SYSTEM\CurrentControlSet\Services\UsbStor 

மேலே உள்ள PATH க்கு சென்று பின்,
START என்பதை இரண்டு முறை கிளிக் செய்யவேண்டும்.
அதில் HEXDECMIAL VALUE வை SELECT செய்து VALUE DATA என்ற இடத்தில் "4" என்று மாற்றவேண்டும். (படம் ).
பின் OK கொடுத்து கணினியை RESTART செய்யவேண்டும்.இதில் கவனிக்க வேண்டிய வை 4 என்று மற்றும் முன் அதில் உள்ள எண்னை ("3") நினைவில் கொள்ளவேண்டும்.அதுதான் ENABLE செய்யவேண்டிய எண் .